«Ծիլ» մրցույթ 2024
2024 թվականին «Ծիլ» մրցույթը ստացավ նոր բովանդակային ուղղվածություն՝ արձագանքելով Արցախի շուրջ տեղի ունեցած ողբերգական իրադարձություններին։ Տարին նշանավորվեց որպես փաստավավերագրական փուլ, որտեղ ստեղծագործությունը դարձավ հիշողության պահպանման և հանրային խոսքի ձև։ Մրցույթն անցկացվեց «Ականատեսի աչքերով» խորագրի ներքո՝ ընդգրկելով գրական և լուսանկարչական բաժիններ։ Լավագույն լուսանկարները տպագրվեցին պաստառների ձևով և ներկայացվեցին ամփոփիչ միջոցառման ընթացքում։
Մասնակիցներ և արդյունքներ
2024-ին մրցույթին մասնակցեց 36 երիտասարդ ստեղծագործող։ Արդյունքներով առանձնացվեցին 14 մրցանակակիր և 1 հատուկ մրցանակի դափնեկիր։
Մրցանակային ֆոնդը կազմեց 1,340,000 դրամ
Ծրագրի ընդհանուր բյուջեն՝ 1,610,860 դրամ։
Եզրափակում և ներկայացում
Մրցույթի ամփոփումը տեղի ունեցավ Եղիշե Չարենցի տուն-թանգարանում, որտեղ «Ծիլ» համայնքի մասնակիցները ներկայացրեցին նաև իրենց հեղինակած գրքերը։ Հաղթողները ստացան դրամական պարգևներ սահմանված կարգով։
Գործակցություններ և զարգացում
2024 թվականին «Ծիլ» ծրագիրն ընդլայնեց իր գործակցային ցանցը՝ սկսելով աշխատանք Հայաստանի գրողների միության, Ավ. Իսահակյանի անվան գրադարանի, «Գեղարդ» և Ժնևի «Արձագանք» ամսագրերի հետ։ Ծրագրի սաները շարունակեցին իրենց ստեղծագործական կապը այս հարթակների հետ։
