«ԶԱՐԿ» ծրագիր
«ԶԱՐԿ» ծրագիրը 2021 թվականի վերջից կազմակերպում է մարզական դասընթացներ 13-17 տարեկան երիտասարդների և աղջիկների համար։ Նախատեսվում է, որ ուսումնական գործընթացի արդյունքում ստացված գիտելիքների ու հմտությունների շնորհիվ սաները և՛ հոգեբանորեն, և՛ ֆիզիկապես պատրաստ կլինեն ծառայելու հայրենի զինված ուժերում։
2022 թ.-ի ավարտին գործում է Երևանում, Արագածոտնի, Կոտայքի, Սյունիքի, Տավուշի և Գեղարքունիքի քաղաքներում և այլ բնակավայրերում՝ իր 17 մարզական խմբերով և շուրջ 300 սաներով:
2023 թ.-ին ևս Ծրագրով նախատեսում են.
- Նախնական զինվորական պատրաստություն (այդ թվում՝ գոյատևում, կրակային պատրաստություն, ժայռամագլցում, տեղագրություն, կողմնորոշում, մարտավարական էլեմենտներ, սառը զենքի կիրառում),
- Հայկական ինքնապաշտպանական մարտարվեստ (ձեռնամարտ՝ մշակված մարտարվեստի հայ մասնագետների կողմից),
- Ինտելեկտուալ պարապմունքներ,
- Հայկական ավանդական խաղեր և պարեր,
- Հոգևոր և հոգեբանական պարապմունքներ,
- Ընդհանուր և հատուկ ֆիզիկական պատրաստականություն,
- Արշավներ, ճամբարներ և ուխտագնացություններ։
