ԴՐՈՒՅԹՆԵՐ և ՊԱՅՄԱՆՆԵՐ

ՆԵՐԱԾՈՒԹՅՈՒՆ

«Ամրոց» Ազգային Զարգացման Հիմնադրամը (ՀՀ օրենքով սահմանված կարգովգրանցված և գործող ընկերություն, գրանցված՝ 23.09.2021, գրանցման համարը՝222.160.1196657, ՀՎՀՀ՝ 02846844) (այսուհետ՝ «Հիմնադրամ» կամ «Մենք») բարեգործական, ոչ առևտրային կազմակերպություն է, որի առաքելությունն է աջակցելտեղական համայնքների զարգացմանն ու սոցիալական, կրթական, գիտական, մշակութային և բարեգործական նախաձեռնությունների իրագործմանը։

Սույն Դրույթները և Պայմանները (այսուհետ՝ «Պայմաններ») նկարագրում են Հիմնադրամի կայքի միջոցով իրականացվող դրամահավաքի իրականացման կարգը և պայմանները՝ ներառելով Հիմնադրամի www.amrots.foundation կայքի (այսուհետ`«Կայք») և [.] առցանց հարթակի («Հարթակ») օգտագործման պայմանները։

ԿԱՅՔԻ ՄԱՍԻՆ

Կայքում ներկայացված Հարթակը առցանց Նվիրաբերության հարթակ է, որը հնարավորություն է տալիս Հիմնադրամին հրապարակելու իր դրամահավաքի նախագիծը կամ արշավը, և ընդունելու բարեգործական նվիրաբերությունները (այսուհետ՝ «Նվիրաբերություն») Նվիրատուներից (այսուհետ՝ «Նվիրատու» կամ «Դուք»)։

 Դրամահավաքի նպատակն է Կայքի միջոցով ներկայացնել Հիմնադրամի կանոնադրությամբ սահմանված նպատակների իրականացմանն ուղղվածբարեգործական Ծրագրերը (այսուհետ՝ «Ծրագիր») և իրազեկել յուրաքանչյուրին, ով կհայտնի իր կամահայտնությունը՝ միանալու սույն Պայմաններին և մասնակցելու դրամահավաքին։

Դրամահավաքը իրականացվում է Հիմնադրամին համապատասխան նվիրաբերություններ փոխանցելու եղանակով, որի արդյունքում ներգրավված ֆինանսական միջոցները ուղղվելու են Հիմնադրամի կանոնադրական նպատակների և Ծրագրերի իրականացմանն ու զարգացմանը։

Մուտք գործելով Կայք, կատարելով Նվիրաբերություն կամ օգտագործելով Կայքի որևէհնարավորություն՝ Դուք հաստատում եք, որ ընթերցել եք և ամբողջությամբ միանում եք առաջարկվող բոլոր Պայմաններին: Սույն Պայմաններին միանալով՝ Դուք դառնում եք Նվիրաբերության Պայմանագրի կողմ և հանդես եք գալիս որպես Նվիրատու։

Նվիրաբերության դիմաց Հիմնադրամը չի պարտավորվում տրամադրել որևէ ապրանք կամ ծառայություն։

Եթե համաձայն չեք սույն Պայմաններից որևէ մեկին, խնդրում ենք կապ հաստատել մեր հետ, կամ չօգտվել Հարթակից և չկատարել Նվիրաբերությունը։

ՄՏԱՎՈՐ ՍԵՓԱԿԱՆՈՒԹՅՈՒՆ

Հիմնադրամի ֆիրմային լրիվ անվանումը և դրա ցանկացած հապավումը, օտարալեզու թարգմանությունները, ինչպես նաև Կայքում տեղադրված ապրանքային նշանըբացառիկ իրավունքով պատկանում են Հիմնադրամին։ Դրանք չեն կարող պատճենահանվել կամ այլ կերպ օգտագործվել՝ առանց Հիմնադրամի նախնական գրավոր թույլտվության։

Կայքը Հիմնադրամին է պատկանում բացառիկ սեփականության իրավունքով։ Կայքում առկա բոլոր նյութերը, դիզայնը, բովանդակությունը, նույնպես հանդիսանում են Հիմնադրամի սեփականությունը։ Կայքի անվանման և (կամ) այնտեղ տեղադրված ապրանքային նշանների չարտոնված օգտագործումն արգելվում է:

Բոլոր իրավունքները և շահերը Կայքի և դրանց օգտագործման նկատմամբ, նախագծերի, տեղեկատվության և Կայքում պարունակվող այլ նյութերի, նկատմամբ` ներառյալ առանց սահմանափակման, հեղինակային իրավունքի, ապրանքային նշանի, արտոնագրի և մտավոր սեփականության այլ իրավունքները, պատկանում Հիմնադրամին կամ նրա համապատասխան լիցենզատուներին կամ իրավատերերին և չեն կարող օգտագործվել առանց իրավատերերի նախնական գրավոր թույլտվության:

Կայքից օգտվելով և Հարթակի միջոցով Նվիարբերություն կատարելով՝ Դուք ձեռք չեք բերում սեփականության իրավունքներ Կայքի և Հարթակի նկատմամբ։

Դուք համաձայնում եք չպատճենել, չվերատարածել, չհրապարակել, չօգտագործել, չփոխանցել կամ այլ կերպ չօգտագործել Կայքի Բովանդակությունը և ցանկացած նյութ, որը հասանելի է Ձեզ` բացառությամբ այն դեպքերի, որոնք ուղղակիորեն թույլատրվում են սույնով։

ՎՃԱՐՄԱՆ ԿԱՐԳԸ

Դուք կարող եք կատարել ինչպես «Ընդհանուր Նվիրաբերություն», այնպես էլ «Նպատակային Նվիրաբերություն»՝ նշելով համապատասխան դաշտերը, որոնք ներկայացված են Հարթակում։

Նպատակային Նվիրաբերություն դաշտում Նվիրաբերությունը կարող եք կատարել՝ընտրելով հստակեցված Բարեգործական Ծրագիրը կամ արշավը, որի կապակցությամբ սկսվել է դրամահավաքը։

Նվիրաբերությունները կարող են կատարվել միանվագ (Հարթակում գրանցվելով և առանձին օգտահաշիվ բացելով կամ առանց դրա)։ Եթե Ձեր կողմից կատարվող Նվիրաբերությունները շարունակական բնույթ են կրելու, Դուք կարող եք ստեղծելանձնական օգտահաշիվ, որի շրջանակներում՝ տրամադրելով անձնական նվազագույն տվյալներ և ստեղծելով գաղտնաբառ, Դուք հնարավորություն կունենաքյուրաքանչյուր Նվիրաբերություն կատարել Ձեր անձնական օգտահաշվի միջոցով՝ ամսական կամ տարեկան կտրվածքով։

Նպատակային Նվիրաբերությունը ուղղվում է բացառապես այն Ծրագրի հովանավորությանը, որի համար իրականացվում է դրամահավաքը։ Այսպիսով, Նպատակային Նվիրաբերություն կատարելիս Դուք հաստատում եք, որ Ձեր աջակցությունն ուղղված է հենց այդ կոնկրետ Ծրագրի կամ արշավի իրականացմանը։

Նվիրաբերությունները կատարվելու են Կայքում ներկայացված առցանց դրամահավաքի շրջանակներում՝ անկանխիկ եղանակով Հիմնադրամի քարտային կամ բանկային հաշվին փոխանցելու միջոցով։

Հարթակի միջոցով Նվիրաբերություն կատարելու համար Ձեզնից կարող է պահանջվել տրամադրելու որոշ անձնական նվազագույն տվյալներ, օրինակ՝ անուն, ազգանուն, էլեկտրոնային փոստ, հեռախոսահամար, բնակության երկիր, ինչպես նաև՝ բանկային կամ քարտային տվյալներ և այլն։

Նվիրաբերությունների վճարումը կատարվում է երրորդ կողմի կողմից տրամադրվողանվտանգ վճարային համակարգերի միջոցով։ Հիմնադրամը վստահեցնում է, որ Ձերվճարային անձնական տվյալները մշակվում են «Անձնական տվյալների պաշտպանության մասին» ՀՀ օրենքով սահմանված կարգով։ Հիմնադրամը որևէ կերպ չի պահպանում Ձեր կողմից ներկայացված բանկային կամ քարտային անձնական տվյալները։

Բոլոր Նվիրաբերությունները, բացառությամբ այն դեպքերի, երբ Նվիրատուն հստակնշում է դրանց նպատակը, Հիմնադրամի հայեցողությամբ` ըստ առաջնահերթության՝ ուղղվում են Հիմնադրամի Ծրագրերի, վարչական և գործառնական նպատակներիիրականացմանը՝ ներառյալ համայնքային զարգացման նախագծերի, կրթական կամմշակութային նախաձեռնությունների, խոցելի խմբերին ցուցաբերվողաջակցությունների, ինչպես նաև՝ կազմակերպչական ծախսերի մասնակիֆինանսավորմանը։

ՎԵՐԱԴԱՐՁԻ ՔԱՂԱՔԱԿԱՆՈՒԹՅՈՒՆ

Դուք ընդունում եք, որ Հարթակի միջոցով կատարվող յուրաքանչյուր Նվիրաբերությունհամարվում է անվերադարձ և կրում եք դրա սխալ փոխանցման ռիսկը։

Այն դեպքերում, երբ վճարումը կատարվել է տեխնիկական սխալներով կամ կրկնակի վճարման տեսքով, Դուք կարող եք կապ հաստատել Մեզ հետ, և վճարման կատարման սխալը պատշաճ հիմնավորելու դեպքում Հիմնադրամը ողջամիտ ժամկետներում կուսումնասիրի Ձեր դիմումը։ Հիմնադրամը կարող է հետ վերադարձնել վճարված գումարը, այն դեպքում, երբ Դուք պատշաճ կհիմնավորեք և կներկայացնեք բավարար ապացույցներ, որոնք կհաստատեն վճարումը տեխնիկական սխալներով կամ կրկնակի վճարման տեսքով կատարելվու փաստը։

ՀԱՇՎԵՏՎՈՂԱԿԱՆՈՒԹՅՈՒՆ

Մենք պարտավորվում ենք լինել բաց, թափանցիկ և հաշվետու Մեր Նվիրատուներիառջև՝ հրապարակելով տարեկան կամ անհրաժեշտ հաճախականությամբֆինանսական և ծրագրային հաշվետվություններ, որոնք ներառում ենՆվիրաբերությունների ընդհանուր հավաքագրումը, դրանց բաշխումը, օգտագործմանուղղությունները և արդյունքները։

ՏԵՂԵԿԱՏՎՈՒԹՅԱՆ ԳԱՂՏՆԻՈՒԹՅՈՒՆ

Ձեր կողմից տրամադրված անձնական տվյալները մշակվում են՝ ՀՀ գործողօրենսդրությանը և տվյալների գաղտնիության սույն քաղաքականության դրույթներինհամապատասխան՝ ապահովելով Ձեր տեղեկատվության անվտանգությունն ուպաշտպանությունը։

Հիմնադրամը պարտավորվում է չհայտնել կամ չփոխանցել Ձեր անձնականտվյալները երրորդ կողմի՝ առանց Ձեր նախնական գրավոր համաձայնության՝բացառությամբ այն դեպքերի, երբ այդ տվյալների տրամադրումը պահանջվում էօրենքով սահմանված կարգով՝ իրավասու դատական կամ իրավապահ մարմիններիկողմից։

Դուք պատասխանատու եք Ձեր կողմից ներկայացված տվյալների ճշգրտության և ամբողջականության համար, և պարտավորվում եք դրանք ժամանակին թարմացնել՝ապահովելու Հիմնադրամի հետ համագործակցության համապատասխանությունը ևարդյունավետությունը։

Հիմնադրամն իրավասու է ցանկացած ժամանակ փոփոխել այս Պայմանները՝ առանց նախնական ծանուցման։ Փոփոխությունների հրապարակումից հետո Ձեր շարունակական օգտագործումը կամ նոր Նվիրաբերությունը կհամարվի, որ Դուք ընդունում եք փոփոխված Պայմանները։

ՎԵՃԵՐԻ ԼՈՒԾՈՒՄ

Սույն Պայմանների մեկնաբանման նկատմամբ կիրառվում է Հայաստանի Հանրապետության օրենսդրությունը:

Սույն Պայմանների կապակցությամբ ծագած վեճերը լուծվում են բանակցությունների միջոցով: Բանակցությունները չկայանալու և/կամ դրանց արդյունքում համաձայնության չգալու դեպքում բոլոր վեճերի լուծումը, հանձնվում է ՀՀ իրավասու դատարաններին։ Կողմերը կարող են նաև կնքել համաձայնագիր՝ պայմանավորվելով, իրեց միջև առկա իրենց միջև առկա վեճը հանձնել արբիտրաժի կամ հաշտարարի լուծմանը։

ՀԵՏԱԴԱՐՁ ԿԱՊ

Նվիրաբերությունների հետ կապված հարցերի դեպքում կարող եք կապ հաստատելՄեզ հետ հետևյալ հասցեով՝

📍 Հասցե՝ Տիգրան Մեծ 80/3

📧 Էլ. փոստ՝ info@amrots.foundation

ԱՅԼ ՊԱՅՄԱՆՆԵՐ

Այն դեպքում, երբ Հիմնադրամը առաջարկում է հատուկ Ծրագիր, ապա այդ Ծրագրի համար դրամահավաք իրականացնելու կապակցությամբ լրացուցիչ պայմաններնախատեսվելու դեպքում, լրացուցիչ պայմանները կներկայացվեն Նվիատուներին՝ ի հավելումն սույն Պայմանների, և կկազմեն սույն Պայմանների անբաժանելի մասը։

Կայքի կամ Հարթակի տեխնիկական խափանման, ընդհատման կամ անսարքությանդեպքում հնարավոր են իրավիճակներ, երբ Կայքը կարող է ժամանակավորապեսանհասանելի լինել կամ նրա գործառույթները սահմանափակվեն։ Դուք ընդունում ևհամաձայնում եք, որ նման տեխնիկական դժվարությունների դեպքում Մենք չենքկրում պատասխանատվություն Կայքի հասանելիության ժամանակավորդադարեցման, կասեցման կամ օգտագործման հնարավորության սահմանափակմանհամար:

Սույն Պայմանները վերջին անգամ թարմացվել են՝ 2025 թվականի հոկտեմբերի 15–ին։