«Ամրոց Մեդիան» YouTube-յան հարթակ է, որտեղ պատմում ենք Հայոց պատմության այն էջերի մասին, որոնք կերտում են ապագան՝ հայկական ինքնության ձայնը մատչելի հասցնելով բոլորին: «Ամրոց Մեդիան» մեր անցյալի և ապագայի միջև յուրօրինակ կամուրջ է, որը կառուցում ենք միասին։ Ուշադրության կենտրոնում է ուժը, որով հայ ժողովուրդը դարեր շարունակ հաղթահարել է փորձությունները, պահել մշակույթն ու հոգևոր կյանքը:
«Միացե՛ք մեզ՝ կառուցելու մի ապագա, որտեղ մեր երեխաները կիմանան և կսիրեն իրենց պատմությունը:»
Հայոց պատմության անիմացիոն աշխարհը՝ պատանիների համար
«Հայապատում»-ով պատմությունը կենդանանում է, քանի որ այն միայն չոր փաստեր չէ, այլ կենդանի արկած, որն արժանի է բացահայտման։ «Ամրոց» հիմնադրամի նոր նախագիծն առաջին համապարփակ անիմացիոն տեսաշարն է, որի նպատակն է հայոց պատմությունը դարձնել հետաքրքիր, հասկանալի և գրավիչ հայ և օտարազգի պատանիների համար։ Առավելագույնը 5 րոպեում կմատուցվի բովանդակություն, որը կոգեշնչի պատանիներին ոչ միայն սիրել իրենց պատմությունը, այլև հասկանալ իրենց ինքնությունը։ Յուրաքանչյուր տեսանյութ ստեղծվել է գիտական թիմի մասնակցությամբ՝ հետևելով պատմական ճշգրտությանը, բայց մատուցվում է հումորի, դինամիկ անիմացիայի և թեթև ոճի միջոցով:
Հաղորդաշարեր և տեսաշարեր
«Հայապատում» (2026)
Առաջին համապարփակ անիմացիոն տեսաշարը՝ հայ և օտարազգի պատանիների համար: Հայաստանը որպես քաղաքակրթությունների խաչմերուկ:
«Հայազգի զորավարներ» (2025)
Տեսահոլովակների շարք այն հայ զորավարների մասին, ովքեր աշխարհի տարբեր ծայրերում փայլել են ռազմավարական մտածողությամբ և քաջությամբ:
«Նեմեսիս» (2023)
Հայոց պատմության այն դրվագները, որոնք պսակվել են հաջողությամբ՝ ազգի պայքարի պատրաստակամության և խելամիտ ռազմավարության շնորհիվ:
«Էջեր հայոց պայքարից» (2022)
Պատմական դրվագներ, որտեղ հաղթանակը ձեռք է բերվել անկոտրում կամքի և միասնական գործելու շնորհիվ: