«Ծիլ»-ը «Ամրոց» ազգային զարգացման հիմնադրամի առանցքային նախագիծն է, որն ապագան կերտում է հայերենով: Այն պատանիների հայալեզու աշխարհն է՝ արվեստի, ինքնության և նորարարության լեզվով։ «Ծիլ»-ը միավորում է Սփյուռքի և Հայաստանի պատանիներին՝ ստեղծելով յուրօրինակ հարթակ, որտեղ երիտասարդները կարող են իրենց լավագույն գաղափարներն ու ձգտումներն արտահայտել հայերենով՝ բառի և արվեստի միջոցով, մասնակցել մրցույթներին և դառնալ ակտիվ համայնքի անդամ ։
«Հայոց լեզուն մեր արժեքների արմատավորման և ժամանակակից մշակույթի հիմքն է։»
«Ծիլ տուր հայերեն» ամենամյա ստեղծագործական մրցույթ
«Ծիլ»-ի կարևոր բաղադրիչը «Ծիլ տուր հայերեն» ստեղծագործական մրցույթն է: 2022 թ.–ի առաջին մրցույթի 250+ հայտերը հիմք դարձան այն ամենամյա դարձնելու համար։ Մեզ համար ստեղծագործելը բազմաձև է. մտքերը կարող են կյանք առնել թե՛ գրի, թե՛ գծի և թե՛ պատկերի տեսքով ։ «Ծիլ տուր հայերեն»-ը հարթակ է հայերենը քո ոճով ներկայացնելու համար՝ անկախ նրանից, թե աշխարհի որ անկյունում ես ապրում կամ հայերենի որ բարբառով ես խոսում ու ստեղծագործում։
Ներդրում ապագայի մեջ
Յուրաքանչյուր նոր ստեղծագործություն և նոր հեղինակ մի ծիլ է, որն ամրացնում է մեր ազգային ապագան։ Աջակցելով այս ծրագրին՝ Դուք ներդրում եք կատարում ոչ թե անցյալի ժառանգության, այլ կենդանի, շնչող և ստեղծագործող ապագայի մեջ։
Հատուկ մրցույթներ
«Գաղափարաբառ»
«Բառ գաղափար» գտնելու համար «Ամրոց» հիմնադրամը կազմակերպել էր մեկանգամյա մրցույթ, որը խթանում է լեզվի նորարարական կիրառումը:
«Ձեռագիր հայրենիք»
«Ծիլ» ծրագրի հատուկ նախաձեռնություններից է, որտեղ ստեղծագործելու համար բարձրացվել էր տարիքային շեմը՝ ինքնության խորացման նպատակով: