«Ամրոց» ազգային զարգացման հիմնադրամը «ԶԱՐԿ» կրթական ծրագրի համահիմնադիրն է, որը նախատեսված է 10-17 տարեկանների համար: Ծրագրի առաքելությունն է կրթել հոգով և մարմնով ուժեղ սերունդ: ԶԱՐԿ-ը դեռահասներին սովորեցնում է կողմնորոշվել արտակարգ իրավիճակներում, ինքնակազմակերպվել, որոշումներ կայացնել, պատասխանատվություն վերցնել կայացրած որոշումների համար: Ծրագիրը նաև ի հայտ է բերում առաջնորդական հատկանիշներ սաների մոտ և սերմանում թիմային գործելու մշակույթ:
«Կրթել հոգով և մարմնով ուժեղ սերունդ՝ պատրաստ ցանկացած մարտահրավերի:»
Կրթական ծրագիրը ներառում է
ԶԱՐԿ ծրագիրը բարեգործական է և սաների համար գործում է անվճար: Իրականացվում է ընթացիկ արտադասարանային պարապմունքների տեսքով՝ շաբաթական 3 անգամ: Ծրագիրն ունի 2 փուլ՝ կրթական և առաջնորդական: Կանոնավոր գործնական դասընթացներ՝ ֆիզպատրաստություն, ինքնապաշտպանություն, քաղպաշտպանություն, գոյատևում, լեռնագնացություն, առաջին օգնություն, արշավներ, ճամբարներ, հայրենաճանաչություն, քաղաքացիական հմտություններ, հոգեբանություն, հոգևոր զրույցներ:
- Ֆիզիկական և հոգևոր զարգացում
- Կենսական հմտությունների ուսուցում
- 4 որակավորման աստիճան՝ տարեկան քննությունների միջոցով ստացվող
- Առաջնորդական հմտություններ
- Թիմային աշխատանք, հանրօգուտ գործունեություն
Առաջնորդական ծրագիր և ԲՈՒՀ-ի կրթաթոշակներ
Ծրագիրը ԶԱՐԿ որակավորմամբ ավարտած լավագույն սաներին շնորհում է կրթաթոշակներ ԲՈՒՀ-ում սովորելու համար և առաջատար սաներին տալիս է հնարավորություն անցնել անվճար վերապատրաստում և դառնալ ԶԱՐԿ հրահանգիչ: