«Ամրոց» հիմնադրամի թիմը կարող է կառավարել քո նախագծերը, եթե ուզում ես՝ նվիրատվությունդ հասնի ճիշտ մարդկանց: Սոնա Զախարյանի հիշատակի կրթաթոշակը հիմնադրել են նրա որդիները՝ Մանուկ և Ստեփան Հերգնյանները, և այն կառավարվում է «Ամրոց» հիմնադրամի կողմից։ Գավառ քաղաքի Հայոց լեզվի և գրականության ուսուցչուհի Սոնա Զախարյանի հիշատակին նվիրված կրթաթոշակով Հերգնյանները ցանկանում են, որ սոցիալական խնդիրները չխոչընդոտեն ուսման ճանապարհը: Գավառի N3 դպրոցի բարձր առաջադիմություն ունեցող շրջանավարտների ուսումը խթանելու նպատակով կրթաթոշակը սահմանվել է՝ ի հիշատակ Սոնա Զախարյանի, որն իր կյանքի ավելի քան 30 տարին նվիրվել է Հայոց լեզվի և գրականության դասավանդմանը:
«Կրթությունը մեր ազգի ամենաառաջնային զենքն ու վահանն է։»
Նպատակաուղղված բարեգործություն
Կրթաթոշակը դեռևս միայն Գավառի N3 դպրոցում է գործում: Տարբեր համայնքներում սոցիալապես անապահով ընտանիքների երեխաներին աջակցելու համար կարող ես կատարել քո ներդրումը:
Կրթաթոշակառուներ
Էմմա Մանուկյան
«Կրթությունն ինձ համար նպատակներին հասնելու առաջընթացն ապահովող կարևոր նախապայմաններից է։ Ես ընտրել եմ Համակարգչային գիտություններ բաժինը, քանի որ ուզում եմ իմ ներդրումը ունենալ Հայաստանի տեխնոլոգիական զարգացման մեջ։ Գիտելիքը պետք է փոխանակվի ու շրջանառվի կրթական ոլորտը առաջ մղելու համար։»
Ելենա Հովհաննիսյան
«Կրթությունն իմ ճանապարհն է դեպի հաջողություն։ Այն ինձ տալիս է գիտելիքներ, հմտություններ և հնարավորություններ։ Իմ նպատակն է դառնալ բարձրակարգ մասնագետ և նպաստել հասարակության զարգացմանը։»
Նունե Մոսիկյան
«Ինձ համար կրթությունը հիմնաքար է, որը հնարավորություն է տալիս դառնալ համայնքի կարևոր անդամ։ Համալսարանում ձեռք բերած դիվանագիտական հմտություններս կօգնեն նպաստել երկրիս ապագա զարգացմանը։»
Միլենա Եղոյան
«Ես գիտակցում եմ, որ կրթությունը մեր ազգի ամենաառաջնային զենքն ու վահանն է։ Իմ մասնագիտական ընտրությունը պայմանավորված է իմ հայրենիքին օգուտ տալու, հանրային շահին ծառայելու մղումով։»